1-тәсіл. Виджет арқылы

Жылдам қосу виджеті – экранның төменгі жағындағы «Тапсырма қосу» жолы – барлық жерде жұмыс істейді және кез келген жобада немесе бөлімде тапсырманы жылдам жасауға мүмкіндік береді.

Виджетті қалай ашуға болады

Жобаны немесе «Барлығы», «Кіріс», «Бүгін», «Ертең», «Келесі 7 күн» бөлімдерінің бірін ашып, экранның төменгі жағындағы «Тапсырма қосу» жолын басыңыз.

Экранның төменгі жағындағы «Тапсырма қосу» жолы

Тапсырманы қалай толтыруға болады

Тапсырманың мәліметтерін енгізіңіз:

• Тапсырма мәтінін жазыңыз;
• Күнтізбе белгішесін басып, жоспарланған күн мен уақытты таңдаңыз, қажет болса қайталауды орнатыңыз. Уақытты көрсетсеңіз, тапсырманы күн сайын, апта сайын, ай сайын немесе жыл сайын қайталатуға болады;

Күнді, уақытты және қайталауды орнатыңыз

• Мерзімді* белгілеңіз – тапсырма орындалуға тиіс соңғы күн: күнтізбе терезесіндегі «Мерзім» қойындысы;
• Қыстырғышты басып, файлдарды* тіркеңіз. Бір файлдың көлемі 20 МБ-қа дейін, барлығы 10 файлға дейін тіркеуге болады;
• Тапсырманың басымдығын* орнатыңыз – «Төмен», «Орташа», «Жоғары»;
• Тапсырманың жобасын таңдаңыз – әдепкі бойынша тапсырма «Кіріс» жеке жобасына сақталады, ал жеке тапсырманың орындаушысы – өзіңіз;

Тапсырманың жобасын таңдаңыз

• Орындаушыны таңдаңыз – әдепкі бойынша бұл – өзіңіз. Ортақ жобаның тапсырмасында жоба мүшелерінің ішінен орындаушыны таңдаңыз немесе кез келген санды орындаушы* тағайындаңыз;
• Тапсырманы жобаға жіберу үшін көрсеткіні басыңыз. Жаңа тапсырма өз жобасында – «Кіріс» бөлімінде немесе ортақ жобада пайда болады.

Жаңа тапсырма өз жобасында пайда болады

* – мүмкіндік тек PRO тарифінде қолжетімді